E realidad ta mustra den e unico y permanente solucion cu ta Cristo Hesus, no ta fanatismo, ni tampoco religion, of emocion, pero ta yega tempo pa para pa e berdad , y e berdad lo haci bo liber.
Den e tempo trabahoso aki, caminda mundo ta pasa den gran dificultad, caminda maldad ta aumenta, caminda malesa ta bringa contra ser humano, nos ta pasando un Guera biologico cu ta coy forsa cada rato, hopi hende ta fria, hopi hende ta aparta for di e caminda, casnan di Famia distrui, matrimonio kibra, hubentud den gran rebeldia, falta di pordon y hopi hende ta ireconciliabel. Nos no por sconde pa ningun hende cu e solucion pa tur nos problema ta Cristo Hesus.
Tin hopi bos ta lanta y bida cu nan a purba cu tur cos pero ningun hende no por yuda nan, pero bo a purba di curason cu Dios, pasobra hende por kier resolve un asunto di nan mes, pero sin Dios y despues di tempo lo bo ripara cu den tur asunto nos mester inclui Dios.
No ta tempo pa purba sconde nada, ni tampoco bira lomba , pero cada mayor mester sa cu a yega e tempo di busca Dios pa bienestar di bo Famia.
A yega e tempo di entrega bo bida, pa salba bo bida, pasobra sin Cristo e situacion lo ta duro, nos no ta papia di Cristo den bo boca, pero pa Cristo den bo curason, pasobra si nos kere den nos curason y confesa cu nos boca cu Hesus Cristo ta Señor nos lo ta salba.
Pero nos salbacion ta exigi un bida pa Cristo, un bida humilde den cual Dios lo formabo di nobo, pasobra bo bida bieu a pasa y tur cos a wordo haci di nobo. Un bida caminda nos no tin nada di busca mas den cosnan bieu pero mantene nos bista riba Señor pa asina e por guia nos riba su caminda.
Mateo 7 vers. 13 y 14 ta papia tocante e porta hancho y e porta smal, e caminda hancho y e caminsa smal. E caminda smal ta limitabo di haci manera bo kier, pero e ta guiabo pa haci locual Dios kier. E caminda hancho ta laga bo haci tur locual bo kier, pero e ta kita tur bo oprtunidad di yega cerca Dios si bo no arepenti na tempo.
2 Corintionan 6 vers. 1 ta bisa: Y trahando hunto cu ne nos tambe ta roga boso pa no ricibi e gracia di Dios en bano pasobra E ta bisa: Den e tempo aceptabel Mi a scucha bo y riba e dia di salbacion Mi a yuda bo, mira awo ta e tempo aceptabel, mira awo ta e dia di salbacion.
ARUBA, A YEGA E TEMPO PA NOS DOBLA RUDIA Y PIDI DIOS YUDA NOS DEN TUR SERIEDAD. No a sobra tempo pa bringa otro, no a sobra tempo pa envidia, pero ta tempo pa oracion, pa bo mes y pa bo prohimo, pasobra ta solamente Dios por yuda nos.
Mas nos busca di Señor mas nos por ricibi instruccion con pa guia nos cas y nos famia.
No ta tempo pa sinta bisa mi a purba tur cos, pero ningun hende no por yudami, corda bon Hesus Cristo ta e caminda e berdad y e bida. Nos tur tin mester di dje.
Cada cas, cada Famia nos ta roga boso, pa busca di Dios, entrega boso bida na Señor pasobra ta solamente Dios por cuida, y guarda nos den e tempo trabahoso aki.
Nos no tin otro conseho, pero di bisabo e berdad, cu nos tur mester di Dios.
Masha Danki
Sinceramente
Pastoor Marcel Balootje
