Cantidad di pisca morto den Bubali Plas den fin di siman a hala atencion di hopi hende. Funcionarionan di DOW den un conferencia di prensa, a splica cu esaki ta un fenomeno cu ta sosode cada tanto aña. Esaki ta loke cu ing. Marlon Croes, di DOW a splica.
Expertonan di DOW a haci un test di awa riba e cantidad di oxigeno, e cantidad di nutrientenan, si tin ammoniak, e PH, salinidad y stikstof, pa haya sa ki ta pasando.
E conclusion ta cu e cantidad di awa cu a yob’e, a lastra hopi awa pasa for di caminda y a bay den Bubali Plas. Na momento cu e acumulacion di awa y tera aki bay den Bubaliplas, cu ta menos hundo, el a bini cu contaminacion. E ta haci un influencia hopi grandi riba e calidad di awa, hasta cambia e color. Esaki ta algo cu no por cambia y ta mir’e tambe na rand di lama, ora cu e awa lastra bay eynan. Cu dia, naturalesa mes ta drecha e situacion.
Sinembargo ta bay haci mas estudio
Na mesun momento el a informa cu ta colectando mas informacion posibel pa haci testnan, pasobra e intencion ta pa crea mas dam na Aruba, pa colecta awa di yobida.
