Recientemente “Atelier 89” a organisa un live online workshop di fotografia bou guia di e Artista Maestro sr. Daniel Benaim for di Venezuela. Aki diferente hende a participa y cada uno a scoge un tema y pa asina trata di capta e tema den nan potret.
E personanan cu a participa ta:
– Arabella Colina
– Cathy Maduro
– Denise Mulder
– Paula Nahr
– Iris Giel
– Roberta Romelli
– Rodrigo Miguelangello
– Xie-Marie Larmonie
– Mejan Roger
– Jenny van der Biezen
– Jeritsa Bryson
– Eden Antersijn
Diahuebs dia 25 di juni ultimo tabata tin e apertura di e exposicion di e resultado di e Live Online Workshop aki na Atelier 89.
Despues di un retraso chikito, sr. Elvis Lopez a duna tur esnan presente un bon bini y a laga e apertura cuminsa cu un Aerial Dance and Performance pa Daniela Sanchez. Despues di su performance tur hende a wordo invita pa drenta e lokaalnan y asina admira e resultado di e workshop fotografico di e participantenan, mientras DJ Adriano Nanof tabata percura pa e ambiente musical.
E exhibicion lo keda habri pa publico durante ful e luna di juli na Atelier 89 na Dominicanessenstraat 34, Oranjestad.