Minister Lopez – Tromp a splica cu na e momentonan aki ta preparando pa presupuesto 2020 pa cual ta spera cu por ubica un suma pa por traha caminda y stimula economia.
E tipo di proyectonan aki ta mehora calidad di bida di e ser humano a traves di kita molester di stof, pero tambe dunando trabou. Pero tambe ta stimula e economia.
Tur dia ta ricibi cantidad di peticion di ciudadanonan pa nan camindanan ricibi asfalt y verkeersplateu pa cual sra. Lopez – Tromp ta indica cu ta den Parlamento e decision lo cay di cuanto exactamente ta wordo poni pa drecha caminda.
Como Minister encarga, peticion sigur lo ta pa continua cu e sumanan poni den añanan cu a pasa, pa percura cu por drecha nos camindanan miho cu ta posibel pa awo y pa futuro!
El a recorda cu un 15 aña pasa a crea un fondo di caretera, cu a haci cu den un forma structural a pone placa pa drecha camindanan aki na Aruba.
Pero e caminda na Wayaca cu a traha, ta di presupuesto di 2019.
