For di trempan caba diamars tabata tin un caso andado na Santa Cruz. E homber Dominicano conoci como Matatan no ta bon cu su pareha mas. E mama di su yiunan. Un problema di basta tempo caba. Awor si parce cos a caba te cu Matatan tin otro pareha. E cu su pareha nobo ta bezig pa habri un lugar nobo na Boegoeroei. Un Kapsalon of Barbershop.
Matatan Barbero deteni pa a bati su ex na Santa CruzParce trempan el a bay na e Barbershop na Santa Cruz pa coy e cosnan. E no mag mirando e problemanan di pareha y reparticion etc. Polis tambe a bin pasobra cos tabata cla pa bay for di man. Eynan a medio tira man caba.
Despues ambos a bay warda di Santa Cruz pa asina haci denuncia. Ora cu a caba na warda e cos a sigui. Matatan Barbero a bay na Santa Cruz caminda e ex ta kedando. Eynan el a drenta e cas pa regla cuenta y bati su ex malamente te lage herida. Polisnan a bay pura na e cas.
Na yegada a haya e señora so herida. A pidi pa ambulance. A haya informacion tambe cu Matatan a bandona e sitio den un V-4468 hunto cu un tal Irma cu ta su pareha nobo.
Polisnan a topa e auto riba caminda di Piedra Plat direccion pabou. A dune e chauffeur ordo pa para y bay over mesora na detencion di Matatan. E pareha nobo no a keda deteni. A lage sigui cu e auto. A pidi dogcatcher pa presenta na e sitio banda di Jon Tai. Asina a hiba e homber warda. E ex cu a haya bati a ser atendi pa paramediconan cu a bay na e cas.
No a bay cune hospital. Despues di ser atendi pa paramediconan, e señora a sali pa warda di Santa Cruz pa haci denuncia oficial.