Ayera 31 di december for di 6:00am a start e di 40 aña di Conteo di Fin di Aña na GFM Galactica 99.9 FM. Mas anochi otro emisoranan a bay den cadena cu e transmicion, esta Power Fm, Bo Guia Fm, Hits 100, Blue Fm, Top Fm y Magic Fm. Atardi Aldrich Croes y Simon Arends di e Asociacion di Radionan a bishita Roberto A. Geerman den studio y a entreg’e un reconocimiento special.
Roberto A. Geerman no ta un desconoci na radio. Ta un personahe cu pa e ultimo decadanan a sa di entretene oyentenan na radio durante varios forma di programacion y na varios radio emisora. E aña aki el a habri aña cu comunidad di Aruba pa di 40 aña consecutivo.
Radio Galactica 99.9 FM a cuminsa transmiti desde Juni 1991, pues 27 aña pasa. E ta situa den Judra Building, na Macapruimstraat # 1-I na Dakota. E number di telefon pa yama y manda saludos ta +297-5882534.
