Awe mainta, despues cu Husticia, por medio di Landsrecherche, Polis y RST a yega cas di Minister Paul Croes, den forma simultaneo nan a sali enbusca di su chauffeur y amigo personal, esta Roque Aparicio di 44 aña di edad. Parce cu no por a haye pa cual a laga un mensahe atras cu ta buscando e. Mesora Aparicio a bay Polis y a bay entrega su mes, pa cual a detene pendiente e investigacion andando den e caso Ibis, den cual ta acusa e Minister di corupcion, labamento di placa di soborno y maluzo di poder di gobernante, pa regla permiso di trabou y eventualmente di estadia na stranheronan.