Manera custumber, Filomena College Mavo, como scol catolico, a haci un bishita na misa Santa Theresita na San Nicolas. E misa cu bon mensahe y musica, a ser dirigi pa juffrouw Lila Richardson cu ta maestro di KGL na Filomena College Mavo.
Director Herbert Goedgedrag a hiba palabra treciendo padilanti e mensahe di e frase “Mi ta pasobra nos ta”, refiriendo na e union cu muchanan Africano ta sinti na momento di comparti cariño y cuminda cu otro na nan pais. Sea contento pasobra si abo ta contento, nos tur ta contento.
Tambe pastoor a desea cada alumno tur clase di exito den e aña escolar aki. El a conseha tur mucha pa ser manera Cristo door di scucha mas y trata di papia menos. Tin biaha nos ta papia asina hopi cu nos ta sera horea pa hopi cos bon.
