Famia preocupa a pidi presencia di Polis y Bomberonan pa kibra un porta di cas pa check un famia cu henter dia tabata incomunicabel. Autoridad a yega na percela Boliviastraat 13 y a logra, hunto cu Brandweer, pa kibra dos porta di un apartament patras di e cas. Eyden a topa un señora morto.
Bisiñanan a bisa cu awe henter dia nan a haya su falta. Normal e ta laga sa cu e tey, pero awe henter dia a reina un silencio for di e apartament. Como cu den pasado e tabatin reto di salud, a pidi pa kibra porta pa bay paden y berdad a constata cu e tabata morto. Polis a pidi presencia di Dokter cu a constata morto di e señora.
