Den e ballroom di Holiday Inn Hotel, e federacion di baseball ABBA a inaugura e prome baseball week den historia di Aruba. E inauguracion a conta cu presencia di Su Excelencia Gobernador, sr. Alfonso Boekhoudt, Presidente di Parlamento, sr. Ady Thijsen, Minister di Deporte, sr. Dangui Oduber, Parlamentarionan Sr. Alan Howell, Endy Croes otro diferente dignitario y invitadonan den nos baseball local y internacional.
Mester bisa cu for di exterior bini algun persona masha conoci den mundo di baseball na Merca principalmente den Mayor League Baseball esta Wilson Ramos, Octavio Dotel. Tambe e anochi aki a conta cu Donation di Oriole Charitable Foundation cu e anochi aki a oficialisa nan donation pa Aruba cu ta un
container di 30 pia jen baseball material pa organisacionan di baseball di Aruba. Tambe Peter Caliendo di Caliendo Sports , Ron Wolforth y Larry Young lo ta dunando clinica na Coaches y Umpirenan. Larry Young ta Umpire Supervisor di MLB. RonWolforth Y Peter Caliendo ta personan renombra den mundo di Baseball international pa na cursonan. Presidente di Amateur Baseball Bond Aruba, sr. Sherwin Howell tabata masha contento y orguyoso di un plan cu tin mas cu un aña den preparacion y cu awe a bira un realidad. ABBA a a duna reconocemento na Stichting Subsidie Aruba, Fundacion Lotto pa Deporte y Orioles Charitable
Foundation pa a contribui cu baseball di Aruba e anja aki. Awe diabierna e clinicanan pa e coaches & umpirenan ta inicia na tereno di Centro di Bario Piedra Plat 7.00- 10.00 pm
Mañan diasabra riba Nadi Croes/Crismo Angela lo bai tin e players clinic den presencia di Wilson Ramos, Octavio Dotel. E clinica pa e coaches & Umpires lo sigui indoor na Centro di Bario Piedra Plat Diadomingo e clinica pa Coaches & Umpires lo termina riba veld na Nadi Croes / Crismo Angela. Nos kier a felicita y alabes desea e organisacion y e participantenan tur clase di exito.
