Su Mahestad, Rey Willem-Alexander, hunto cu minister di Asuntonan di Reino, Plasterk, lo bay ta na Corsou entrante diadomingo, 10 di September. Nan lo wordo ricibi pa e gobernadora di Corsou, sra. George-Wout. Ademas di esaki, nan lo haci un bishita na Meteo, caminda cu nan lo haya un presentacion riba e preparacionnan di e “hulpinzet” na Sint Maarten. Riba e base di Marina na Parera, lo bay tin un reunion, entre otro cu prome minister Rhuggenaath di Corsou y lo bay ricibi un briefing riba e situacion actual. Despues di esey, Su Mahestad y minister Plasterk lo bishita hospital, caminda cu e victima y pashentenan for di Sint Maarten, ta ubica.
Na Corsou lo wordo studia si ta posibel pa haci un bishita na Sint Maarten, Saba y Sint Eustatius.
