Un premio di 52.500 florin ta algo cu sigur ta sumamente bon bini na cualkier momento. Riba diadomingo 8 di april, Zodiac Merdia a conoce un ganadora cu a cumpra su numbernan di suerte, 1166 cu All Symbols, na M&F Valero Essoville, San Nicolaas.
E ganadora, sra. Mona, a pasa oficina principal di Lotto, na Paardenbaaistraat 10, dialuna mes y busca su premio di Afl. 52.500,-. Lotto ta manda palabranan di felicitacion pa sra. Mona cu a gana e tremendo premio aki cu Zodiac Merdia.
Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa Y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
