Studiantenan di Maria College a bula henter mainta riba musica di Youth Extreme. Esaki tabata parti di nan celebracion di carnaval. Un evento cu ta tuma luga tur aña casi na final di e temporada di carnaval.
E hobennan a haya e oportunidad di baila riba ritmo di Youth Extreme danki na un docente di Maria College, kende ta forma parti di e banda.
E jump-up a cuminsa for di tempran, hunto cu e studiantenan di e dependance y e jump-in a sigui te 1’or di merdia. Pues nan a haya les mainta y despues a sigui cu e parti jump-in. E aña’ki no a logra haci eleccion di reina y otro aña lo bolbe cu esaki atrobe.
