“Young Voices” conscientisando pueblo riba e metanan di desaroyo sostenibel

“Nos ta un grupo di hoben cu tin como meta pa promove y informa pueblo di Aruba tocante e metanan di desaroyo sostenibel. Metanan cu a keda adopta na 2015 door di Nacionnan Uni. Despues di 3 siman nos ta hopi contento con SDG talks ta bayendo y como nos prome iniciativa di parti di e team Social nos ta contento cu nos por a cuminsa na informa pueblo tocante e topico aki di gran importancia,” Leonardo Figaroa, di e proyecto Young Voices.

Hobennan ta discuti riba metanan di desaroyo sostenibel

Hobennan ta discuti riba metanan di desaroyo sostenibel. click pa mas info: https://24ora.news/3dW4npE

Posted by 24ora on Thursday, July 2, 2020

Nan ta trahando duro pa lansa e prome proyecto cu tin como meta primordial pa informa y ilustra metanan den e sector social. Pa cada meta por haya nan momento pa asina cada persona por cera conoci cu e 8 metanan di e 17 nan cu ta cay bou di nos responsabilidad.

Den pipe line nan ta trahando duro riba un webinar mirando cu kier tene cuenta cu e normanan nobo stipula door di DVG y Gobierno di Aruba pa proteha cada persona contra coronavirus y ademas kier stimula pueblo di Aruba pa haci mas uzo di e avance y tecnologia moderno cu nos tin. E webinar aki lo enfoca ariba e meta number 3 cu ta salud y bienestar nos ta convenci cu despues di tur e situacion dificil ‘e normal nobo’ ainda ta un fenomeno cu hopi hende mester custumbra na djey p’esey nan kier enfoca riba yuda hende cu e ‘normal nobo aki’

“Nos ta un grupo di 5 hoben cu ta trahando duro pa por representa e sector social. Nos ta consciento cu tin basta retonan mirando e situacion cu nos Pais ta enfrenta pero nos ta sigur cu union lo haci forsa,” Leonardo Figaroa a bisa. Nan ta pidi pueblo di Aruba keda pendiente pa nan 2 proyectonan cu lo ta lansando den vakantie. Asina cu tin mas informacion lo informa pueblo henter.

Finalmente pa cualkier hoben cu tin interes den yuda sea como boluntario of forma parti di e programa piloto aki yama Young Voices por bishita nan riba Instagram Page SdgAruba of manda un email via [email protected].

“Nos kier encurasha cada persona pa haci estudio pa por hiba un bida sostenibel. Corda cu cada decision cu abo tuma tin un impacto ariba bida di otro. Sea solidario y corda no solamente riba otronan pero tambe riba nos unico cas, Mundo.”