Diaranson anochi, den careda di 8:00pm un señora den su auto Hyundai Getz, color shinishi dado momento mester a hala na banda, ya cu e auto tabata faya. E señora a caba di baha for di e rotonde di Sabana Blanco y tabata bayendo direccion di e rotonde di airport.
Polis a presenta pa asina cera caminda pa trafico.
Den e auto, hunto cu e chauffeur tabatin un otro persona tambe. Dado momento, despues cu e chauffeur y e pasahero a baha, e auto a pega candela. Dos truck di Brandweer a presenta pa asina bin duna asistencia.
Segun informe, e chauffeur di e auto lo mester a biaha mañan diahuebs pero tur su documentonan a kima den e auto. Esaki a haci cu dado momento el a cuminsa haya ‘hartklop’ y a bay flauw.
Ambulance a presenta pa asina duna prome asistencia n’e chauffeur.