Dialuna mainta banda di 11or a sosode un accidente di brommer den Tarabana. Polis y Ambulance a ser pidi cu urgencia pasobra tin un accidente entre un auto y un brommer. Na yegada di Polis no a haya e auto.
A pensa prome cu ta un hit and run. Ta un Yaris blanco cu plachi number blekia. E Yaris blanco glas preto no a duna preferencia na e Hayabusa cu dos homber sinta riba dje. Nan a medio desvia pa no dal den e Yaris y a bay tera. Nan a haya basta rascal na curpa. Nan a prefera kita cay haya rasca cu dal den e auto y haya golpi. E auto a sigui su caminda sin wak patras despues di e accidente cu el ocasiona. Dos ambulance a presenta na e sitio pa asina hiba ambos ocupante di brommer pa Hospital. Nan no tabata grave.
