Accidente entre auto sin seguro y scooter den Dakota

Dialuna mainta banda di 10or a sosode un accidente den Dakota. Riba e crusada di Dadelstraat cu Caya Papa Juan Pablo e accidente a sosode.

Cos a hera bay for di man den Dakota: Despues di accidente a tira man riba otro

Un accidente a sosode den oranan di mainta entre un scooter y un auto den Dakota. Den e proceso cos a bay for di man. Parce cu e mama di e chauffeur cu a causa e accidente no a aprecia cu nan a saca su potret. E amigonan di e motociclista herida kier a saca potret di e mama y e auto. E yiu chauffeur di e auto mes a huy for di e sitio. E mama a bin responde pe, pero no a aprecia cu nan a saca su potret. Asina cos a bay for di man un rato y tabata tin tiramento di man riba otro. Un solo Polis di trafico tabata presente y a purba intermedia y pidi refuerso. Varios unidad a yega y calma e situacion. Dakoteronan a saii pa nan amigonan. E auto cu a ocasiona e accidente no tabata tin papel tampoco. Awor Polis mester busca drechi dikon e chauffeur a huy na pia y hinca su mama den problema.

Posted by 24ora on Monday, February 25, 2019

E auto tabata saliendo di Dadelstraat bayendo Nort y e scooter tabata bayendo direccion pabou. E impaco tabata fuerte. E manehador di scooter a cay y keda herida. Polis a bay pura na e sitio. Na yegada a topa e motociclista abou. E brommer tambe tabata benta riba caminda. E chauffeur di e auto a disparce. Despues su mama a yega y kier a tuma over.

E auto no tabata tin seguro. No ta conoci dikon e yiu a bandona e sitio despues di ocasiona un accidente cu herido. Polis a intermedia tambe den e problema entre e mama y e amistadnan di e motociclista. Hasta tabata tin tiramento di man riba otro. Na final Polis a confisca e auto bay warda cune pendiente investigacion. Lo busca drechi di e chauffeur di e auto. E motociclista a bay Hospital cu ambulance. E auto ta un Honda A-49839.

• 

• 

• 

• 

• 

• 

• 

•