Manera ta konosí eks minister di Hustisia sr Nelson Navarro a kuminsá ku e proseso pa instalá kámara na diferente puntonan na Kòrsou ku komo meta pa yuda prevení, frena i kombatí kriminalidat.
Mi ta kòrda ku tabatin hopi diskushon rondó di e proyekto pero ku tòg na final esaki a kristalisá. Den Punda i tambe riba Helmin Wiels blvd mi a tuma nota di e kámaranan ku a keda instalá. Tambe mi a komprondé ku tin di e kámaranan den Punda a yuda solushoná kasonan di asesinato. Esaki sigur mi ta aploudí mirando ku e kámaranan ta kumpliendo ku nan meta.
A kuminsá ku e instalashon di kámaranan pero ainda mi a bin komprondé ku tin kámara ku no a wòrdu instalá pero ta almasená aki na Kòrsou. Pa nos ta importante pa e invershon ku gobièrnu a hasi pa e kámaranan wòrdu instalá pa sirbi e meta ku nan a wòrdu buska p’e.
Relashoná ku esaki Parlamentario sr Plet a hasi e siguiente preguntanan na Minister di Hustisia;
- Kon a para ku e proyekto di instalashon di kámara?
- Tin e medionan finansiero tékniko I personal pa instalá I traha ku e kámaranan?
- Unda mas lo instalá e kámaranan pa konstatá infrakshon di tráfiko?
- Ken lo ta e organisashon ku lo bai soru pa repartishon verbal elektróniko pa persona ku kometé infrakshon den tráfiko?
“Base legal”
Pa por hasi uzo di kámara pa entre otro ora di un infrakshon pa por duna but esaki mester ta regla den lei. Te asina leu ku mi sa mi no a tuma nota di niun lei ku ta enserá esaki ku a bini parlamento. Ta di sumo importansia ku na momento ku nos tin instalashonnan mionario hasí, pa nos tin tambe e base nan legal pa usa nan mas lihé ku ta posibel.
Motibu pa kual mi tin e siguiente preguntanan;
- Minister ta na altura si ta trahando riba adaptashon òf inisiativa di e lei pa por kuminsá hasi uso optimal di e instalashon?
- Si ta asina pa ki tempu parlamento por risibí esaki?
- Pa ki tempu nos lo por kuminsá mira funshon optimal di e instalashon aki?
Ken ta kordinando henter e asuntu rondó di henter e proyekto aki?
