Dia 16 pa 20 di december lo tin un workshop pa diseña un forma pa communica over di calidad di aire na Aruba. E workshop lo tuma luga na Universidad di Aruba y por registra pa participa na www.brenchies.com/data

E workshop aki ta wordo duna dor di artista y programmer Sharon Lee de la Cruz. Sharon ta CEO y Creative Coder na Digital Citizens Lab na New York, un design collective cu enfoke riba technologia civico. Prome cu esaki e la duna les na e studio lab di Princeton University y un di e TED resident. 

Durante e aña, Metabolic Foundation cu apoyo di UNESCO a traha riba dos sistema pa midi calidad di aire na Aruba. Esaki en cuadro cu e Sustainable Development Goal cu ta pidi pa tur pais na mundo midi e cantidad di particulo cu tin den aire. Te na e momento aki Aruba no tin niun sistema cu ta publica e data aki. 

E workshop aki ta invita e particular young professionals entre 15 y 30 pa participa den e diseño di un forma pa communica over di calidad di aire cu ta facil pa comprende pa nos comunidad. Calidad di aire ta un tema importante pero cu hopi biaha no ta bon comprendí, e ta importante pa nos cuminsa midi e calidad promo cu nos bula na cualkier conclusión. E workshop aki lo wordo organiza conhuntamente cu UNESCO, Global Shapers Oranjestad y University of Aruba.

Comments

comments