Historiko y eksitoso simposio riba futuro politiko

64

Fundashon Nos Ke Boneiru Bek ta mira bek riba un simposio sumamente eksitoso ku a wordu tene na Bonaire riba e fechanan di 6, 7 I 8 december. E temanan prinsipal di e konferensia a trata tabata derecho di outodeterminashon I reparashon den Karibe.

Sr James Finies, presidente di Fundashon Nos Kier Boneiru Bek a enfatisa ku un di e obhetivonan prinsipal ku a funda NKBB tabata pa re-list, re-inskribi Bonaire riba e lista di Teritorionan-Sin-Propio-Gobernashon di Nashonan Uni.

Bonaire tabata escenario di un reunifikashon historiko kaminda representantenan di 9 pais I/o teritorio Karibense ku ta ahinda bou di atministrashon kolonial a reuni.

Gobernantenan, lidernan, ekspertonan, akademikonan I aktivistanan for di Aruba, Korsou, Sint Eustatius, Bonaire, Puerto Rico, San Andres, Providensia, Virgin Islands I Cayenne- Guiana tur ku mesun meta komun pa hustisia, desaroyo I bienestar pa nan pueblonan a mustra solidaridat na e pueblo Boneriano. Ta nos tur ta den mesun lucha pa rekobra, restora I respeta nos derechonan fundamental humano.

Loke a resalta mas durante e diskursonan, presentashonan I debatenan tabata ku ta mesun modus operandus, e mesun sistema dividi, oprimi I domina tur e kolonisadonan ta usa kontra e teritorionan I pueblonan ku nan tin bao di nan atministrashon I dominio.

E konklushonan mas impaktante despues di e seshonan di e parti akademiko ku a tuma luga den e sala di konferensia na Capt Dons Habitat I tambe diskurshonan publiko den parke Wilhelmina tabata ku e kaminda o ruta pa sigui kana ta, ku un frente-uni direkshon di komunidat internashonal I Nashonan Uni. Espesialmente pa wordu re-list, re-inskribi riba e lista di Teritorionan-Sin-Propio-Gobernashon ku ta kai bao di e Komishon di Dekolonisashon ku su uniko obhetivo ta protekshon di e teritorionan I nan pueblonan aki konforme artikulo 73 di Chapter XI di Nashonan Uni I guia, fasilita i yuda realisa nan desaroyo, bienestar I propio-gobernashon I asina eradika kolonialismo den tur su formanan eksistente den Karibe.

James Finies, presidente Nos Ke Boneiru Bek