Stellaris Casino ta regala mas di 75 mil florin na su clientenan

1100

Stellaris Casino, desde diabierna 6 di december a lansa su campaña “10 Days of Jingle Bills”. Pa 10 dia largo, Stellaris Casino lo parti mas di 75 mil florin na premio, combina cu placa cash y tambe free play pa clientenan.

Segun Yazira Javois-Feliciana, Director di Mercadeo, aparte cu ta duna free play y placa cash, Stellaris Casino ta cera su aña dia 23 di december, unda su tier playernan lo ricibi nan christmas basket di custumber, variando entre nan Black, Platinum, Gold y Silver Tier. Esey ta e evento cu ta culmina e aña y e “10 Days of Jingle Bills”, celebrando dies dia cu premionan cash y free play.

Stellaris Casino ta regala 75 mil florin na premio e siman aki!

Stellaris Casino ta regala 75 mil florin na premio e siman aki! Click e link pa mas https://24ora.news/2LHkNHv

Posted by 24ora on Tuesday, December 10, 2019

Pa e dianan aki di promocion, Stellaris Casino ta presenta entretenimento en bibo pa su hungadonan, cu ta yega despues di nan Christmas Dinner, of prome cu bay Christmas Dinners of si bo ta buscando un luga agradabel pa bishita anochi, Stellaris Casino ta e luga perfecto den Lounge 101, pa bo celebra bo dianan di fiesta.

Stellaris Casino durante henter aña, a bin cu promocionnan innovativo cuminsando for di carnaval te awor aki. Un aña sumamente exitoso pa Stellaris Casino, den e forma cu ta repartiendo premio y tambe den e forma con a engrandece of a bira mas grandi den clientela local y internacional.

Den Lounge 101, pa tur e dianan aki ta bay tin entretenimento y tambe tin tur dia pa un ora largo, for di 9’or pa 10’or di anochi, all you can drink wine y tambe lo tin snacks. E entretenimento ta entre otro, directamente for di Corsou, Tico Balentin. Lo tin Tony Sherman y Boy Thode. Ta bay tin anochi cu lo tin Hits and Fun, lo tin Buleria, D’licious. Apart cu tin house band tambe cual ta Duro Band y Super Mania. 

Cu minimo di 50 punto ya bo tin chens sigura pa participa pa cash prizes y free play y ta bay te cu 10 chens pa dia pa hungado. Y sin por laga afo, na Stellaris Casino Bo ta un ganado garantisa, asina cu Bo acumula un minimo di 175 punto. Hungadonan ta ricibi $25 automaticamente riba bo carchi te na un maximo di $200 pa dia pa hungado. Pues no solamente bo tin chens pa gana premionan grandi pero automaticamente bo ta ricibi premio riba bo carchi durante e dianan di promocion.

Bo no por falta. Bishita Lounge 101 pa no solamente participa den e promocion di 10 Days of Jingle Bills pero tambe disfruta, experencia y forma parti di e Holiday Spirit!