Weganan Interesante di Softball Escolar a tuma lugar den fin di siman

Diabierna atardi tabata tin continuacion di torneo di softball escolar, organiza pa IBiSA na tereno di Rockets na Santa Cruz.

For di trempan caba por a mira cu pa e weganan aki tabata tin mas fanatico cu a bin apoya nan scolnan.

Ceque College Mavo vs Mon Plaisir College:

Prome wega di atardi a tuma lugar entre Ceque College Mavo y Mon Plaisir College.

E wega aki a cuminsa caminda ambos ekipo a bataya fuerte pa logra bay cu e victoria, den cabez di prome inning Ceque College Mavo ta anota 2 careda pa tuma ventaha den e wega aki, pero den bom di prome inning, Mon Plaisir College no ta keda atras y ta anota 3 careda.

Den cabez di dos inning, Ceque College Mavo no ta logra anota careda, mientras cu den bom di dos inning, Mon Plaisir College ta anota 1 careda mas.

Den cabez di tres inning, Ceque College Mavo ta logra anota 1 careda, mientras cu den bom di tres inning Mon Plaisir College ta anota 2 careda mas.

Den cabez di cuater inning, Ceque College Mavo ta rally y ta anota un total di 4 careda pa asina tuma ventaha den e wega aki cu score di 7-6, pero den bom di cuater inning Mon Plaisir College tambe a rally pa anota 5 careda y tuma e ventaha bek cu score di 11-7.

Den cabez di cinco inning, Ceque College Mavo no a logra anota careda y asina tambe e wega a termina cu victoria pa Mon Plaisir College Mavo.

Mon Plaisir College Mavo a anota 11 careda, a bati un total di 11 hit, mientras cu Ceque College Mavo a anota 7 careda, a bati un total di 6 hit.

Maria College Mavo vs EPB San Nicolaas

Di dos y ultimo wega di atardi a tuma lugar entre Maria College Mavo y EPB San Nicolaas.

Den cabez di prome inning, ekipo di Maria College Mavo ta anota 1 careda, y den bom di prome inning EPB San Nicolaas ta anota 3 careda, pa tuma ventaha cu score di 3-1.

Den bom di 3 inning EPB San Nicolaas ta logra anota 1 careda mas pa asina haci e wega 4-1 y asina aki tambe e wega a termina cu score di 4-1 pa EPB San Nicolaas.

EPB San Nicolaas a anota 4 careda, a bati 9 hit , mientras cu Maria College Mavo a anota 1 careda y a bati un total di 5 hit.

Weganan ta continua e siman aki na tereno di Rockets na Santa Cruz, IBiSA ta haci invitacion na tur mayor, alumno y fanatico di softball pa bin apoya nan scol den e torneo aki.