E website ta dirigi riba tur cliente di DPL. E grupo di meta di DPL ta parti den dos. Tin informacion pa esnan cu ta buscando trabou local cu por haya sa ki vacatura tin disponibel awor aki, den sector priva, cu ta open vacatures, cu un compania mester di hende urgente y tambe pa esnan cu ta dunado di trabou, caminda cu hopi biaha un dunado di trabao ta interesa mas tanto den e parti di maneho, nan ta interesa pa sa kico nan tin cu haci pa haci uzo di servicionan di DPL, formularionan. Tin informacion pa ambos grupo. Anteriormente mester a bin busca formulario na DPL pa yena esaki, despues trece bek. Na e momento aki no mester haci esey. Por download esaki facilmente for di e website como PDF, yen’e y trece. Ta facilitando poco poco mas ainda e servicio cu nan ta duna. Desde 2011 tin cu bisa cu como departamento, nan a sa di evalua e parti di servicio y informacion cu ta wordo duna pa wak con por mehora esaki continuamente. Esaki sigur tin su puntonan cu website asina aki, unda ta facilitando e servicionan pa evita cu un persona mester bin personalmente te na DPL pa haya cierto informacionnan riba maneho, riba servicio y riba otro puntonan cu ta importante pa e dunado di trabao. En general ta parti di e website. Richinel Stamper a invita tur hende pa subi www.dpl.aw pa asina haya tur informacion. Y tambe lo por manda nan directamente, for di e website un pregunta of sugerencia of tambe un keho. Tur esaki lo aprecia, segun Stamper. Den cuadro di mehoracion di nan servicionan. A base di e website, tur otro departamentonan tambe ta haci uzo di esaki y e ta hopi eficiente pa asina eynan evalua y tuma decisionnan cu ta pa mehoracion di e servicio na publico. Riba e website lo por haci esaki, Stamper a menciona.
