A destrui boto cu a purba drenta ilegalmente, sin paga impuesto y sin documentonan nesecario riba 15 maart 2020. Wardacosta a detecta un boto biniendo for di awanan territorial di Venezuela. Un team di Metal Shark a bay pa intercepta e boto cu tabata nabegando direccion di
Rodgers Beach. Durante control na bordo e team di Metal Shark a ripara cu documentacion di e boto bou nomber “Alyssa” no tabata cuadra.
Pa e motibo aki a tuma contacto cu fiscal, cu a tuma desicion pa tuma e boto den beslag pa por haci mas investigashon. Durante di investigacion Directie Scheepvaart Aruba a bin constata cu e boto intercepta su documentashonnan no tabata cuadra cu loke tin den nan sistema. E capitan di Alyssa a purba drenta Aruba sin registra y sin paga impuesto na Douane pa e boto.
Autoridad purba drenta den contacto cu e doño di e boto Alyssa pa e por presenta cu e documentonan original di boto, pero e doño nunca a presenta cu esakinan. Pa motibu cu nunca mas no a logra di haya contacto cu e doño, fiscal a tuma e desicion pa destrui e boto pa motibu di importashon ilegal di e boto.
