Virtualmente por mira Aruba International Half Marathon 2021

395

Dialuna atardi a tuma luga un conferencia di prensa yama pa Instituto Biba Saludabel y Activo (IBiSA) pa participa na comunidad cu e Aruba International Half Marathon 2021. Esaki ta tuma luga e aña aki den forma virtual.

Edgar Erasmus, di parti di Management Team di IBiSA a a splica cu e careda e aña aki no ta manera e añanan anterior pero lo ta virtual. Despues a pasa palabra pa Rodymar Geerman kende ta coordinado di e careda y a trece varios punto dilanti cu mester tene cuenta cu nan.

Esunnan cu a inscribi aña pasa y a paga so lo por participa na e careda aki ya cu aña pasa e careda aki tabata sold out, pues no por acepta ningun inscripcion mas.

Ta importante pa avisa cu e evento aki ta un evento cu a pospone di 2020 y den cooperacion cu KPA por laga e participantenan core den un manera virtual den 2021. Cada participante lo bay ricibi un mail na unda nan lo por indica e dia, ora y ruta cu nan ta desea di core. E ta first come first serve.

Virtualmente por mira Aruba International Half Marathon 2021

Virtualmente por mira Aruba International Half Marathon 2021

Posted by 24ora on Tuesday, February 23, 2021

E cuater fechanan di evento ta 18, 19, 20 y 21 di maart y ta bay tin 3 ruta caminda esunnan cu a inscribi por scoge pa core. Dianan 18 y 21 di maart ta pa core 21km individual, 19 y 20 di maart ta pa core relay, cual lo ta 5km. Relay teamnan mester core riba mesun dia y riba e mesun ruta pero no por core riba un otro orario.

Diabierna 26 di februari e app Sporthive Live lo ta disponibel cu tur informacion y tur e cambionan necesario. E link lo ta poni riba IBiSA medionan social. Tene na cuenta cu dianan 1, 2 y 3 di maart ta solamente pa haci cambio.

Splicacion di e cambionan

Dianan 10, 11 y 12 di maart por pasa busca e pakete di participacion for di 8:00 am te 4:00 pm. IBiSA lo ta bay ta riba ruta tur e 4 dianan pa controla pa tur coredo mantene nan mes na e reglanan vigente.

Premiacion: categoria top 3 den male y top 3 female: U20, 20-29, 30-34, 35-39, 40-44, 45-49, 50-54, 55-59, 60+, Student relay ta 1-2-3, Open relay ta 1-2-3. Corporate relay ta; male, female, y mix. Esaki ta aplicabel solamente pa esunnan cu ta traha den mesun compania. Overall male 1-2-3, overall female 1-2-3.

Pa mas informacion por mail na Aruba International Half [email protected][email protected].