Un crusada cu dos herido y hopi daño material

2290

Diamars mainta a habri cu un accidente basta pisa den Dakota. Cuater auto tabata envolvi y dos persona herida. 
Den careda di 8:15AM a pidi presencia di polis pa un accidente basta serio na crusada di ex-Kooyman riba Avenida Milio Croes.

Tabatin cuater vehiculo envolvi, un KIA Sorento, KIA Sportage , Suzuki SX4 y un Nissan NV250 Van di DOW. 

Un crusada cu a cobra dos victima y hopi daño material

Un crusada cu a cobra dos victima y hopi daño material. Click link pa mas https://24ora.news/3qHzs7T

Posted by 24ora on Tuesday, February 23, 2021

Chauffeur di un di e vehiculonan envolvi ( Van di DOW) a duna su banda y version di kico a tuma luga. Biniendo didireccion abou, coriendo tras di e KIA Sportage, el a tuma nota di un vehiculo cu intencion di “take chance” , e otro vehiculo cu no a mira esaki y asina ey a bin dal den e auto su dilanti causando daño na su vehiculo cu tabata para mas patras.

Den e accidente aki dos persona a resulta herida, ambos tabata hende muhe. A pidi presencia di ambulance pa bin atende cu e victimanan. Dos unidad a presenta y trata e victimanan y transportanan pa Hospital

Polis di su banda a cera rotonde prome cu e crusada aki pa evita cu trafico sigui pega.