Doño di auto a mir’e drenta den su vehiculo. Conocido di polis a purba su suerte awe pa horta pero rapidamente a capta su movecion y alerta autoridad. Esaki a tuma luga den parkinglot di Do It Center situa na Shaba.
Aproximadamente 1:00 pm patruya a presenta y topa cu un conoci di husticia. Informacion cu a duna ta cu e persona aki lo tabata loer den e autonan staciona den a parkinglot y asina busca cos pa horta.
Doño di un di e vehiculonan aki a wak e persona aki den su auto y a yama polis mesora. Na yegada a gara e sospechoso y atende cu ne. Pa sigura cu tabata trata di e persona corecto a dicidi di bay confirma esaki via e camara di siguridad di e establecimento. Corectamente tabata trata di e mes un persona.
Despues di un control den su vehiculo, e propietario no a constata di no ta haya falta di nada y a opta pa no pone un denuncia y asina laga e persona aki bay su caminda. P’e biaha aki el a scapa.
