Servicio Meteorologico di Aruba (Meteo) ta pronostica cu awe nochi shelo lo ta parcialmente nubla cu awasero breve den marduga y cu mañan shelo lo ta parcialmente nubla cu awasero breve. Debi na un incidencia relativamente halto di rayonan di solo y humedad e dianan aki por verwacht cu temperatura lo por yega 34 of 35°c rond di oranan di merdia. Esaki combina cu e biento zwak te modera por duna un sensacion di calor di 38 te 40°c rond di oranan di merdia.
Biento:
Biento lo ta modera for di direccion oost te oost-zuidoost cu forsa 3 te 4 (12 te 30 km/ora, 7 te 16 nudo). Den dia biento lo ta basta fuerte te posiblemente fuerte den rafaga cu forsa 5 te 6 (31 te 50 km/ora, 17 te 27 nudo).
Situacion general di tempo pa proximo 24 ora:
Humedad disponibel combina cu atmosfera instabiel, lo aumenta e cantidad di nubianan temporalmente. Esaki por produci yobida breve cu chens tambe riba strena cu lamper.
Tempo tropical significante:
Horcan Sam tabata situa na un distancia basta leu na parti zuid di Cape Race, na New Foundland y ta move den direccion noordoost. Sam no ta di importancia pa e area di Caribe. Ta bon pa agrega cu depresion tropical Victor ta move riba un distancia na west di islanan Cabo Verde y no ta forma ningun menasa pa Caribe.
Pronostico di tempo pa e proximo 3 dianan:
Shelo lo ta parcialmente nubla cu yobidanan breve. Biento lo supla modera for di direccion oost. Temperatura max/min lo ta: 34 / 28 grado Celsius.
