E temblor di magnitud 7,5 cu a sacudi Venezuela ta e mas poderoso den mas di un siglo, segun e registro historico di instituto geologico Mericano USGS.
E dos temblornan di 7,2 y 7,5 cu a sacudi e centro di Venezuela diaranson (24.06.2026) y cu a laga por lo menos 164 morto y 700 herida ta e mas grave den e pais desde comienso di siglo pasa.
E instituto geologico Mericano USGS a registra riba 29 di october di 1900 un temblor di magnitud calcula di 7,7 dilanti di e costa di e pais, na nort-oost di Caracas, cu a causa “daño considerabel”.
Riba diaranson 24 di juni 2026, un prome temblor di magnitud 7,2 a tuma luga na 18:04 ora local (22:04 GMT) mas o menos 200 km west di Caracas, sigui pa un di dos di magnitud 7,5 na 45 km for di e luga ey, y despues mas cu binti replica, segun USGS, cu ta papia di un “catastrofe cu mester tin un magnitud considerabel”.
17 di januari 1929: un temblor di magnitud 6,9 a genera un tsunami, destrui e ciudad di Cumaná, den estado di Sucre, y a causa 800 morto.
3 di augustus 1950: un temblor di magnitud 6,8 na El Tocuyo a causa mas di shen morto y a destrui casi completamente e poblacion di e estado di Lara, den centro di e pais.
29 di juli 1967: un temblor di magnitud 6,6, den cercania di Caracas, sigui pa un tsunami chikito, un di e mas mortal den historia di Venezuela, a laga 245 morto y miles di herido, y a causa daño material enorme. Historicamente, e capital Venezolano no tabata experiencia un emergencia pa termento di e magnitud structural aki desde e termento fatal di casi 60 aña pasa.
9 di juli di 1997: un total di 73 morto, mas o menos 500 herido y 3.000 victima pa e temblor di magnitud 6,9 cu a sacudi Costa oost di Venezuela y a afecta specialmente e ciudad di Cumana y e poblacion di Cariaco, den estado di Sucre. E awasero torencial a empeora e situacion provoca pa e temblor.
Na november di 2015 a registra dos temblor na Mérida, na nort-west di e pais, tur dos di magnitud 5,1, cu a causa un morto cada un.
Den e ultimo decada, a produci otro temblornan na Venezuela, pero no a causa victimanan y mayoria tampoco daño material importante. E temblor mas intenso, registra dia 21 di augustus di 2018, a wordo sinti na varios estado y a causa daño material na edificionan na Caracas y e parti oost di e pais.
Na september di 2025, a conta 189 evento sismico den e occidente di Venezuela, specialmente na Zulia, e evento sismico aki a causa daño na cas y infrastructura manera hospital, iglesia, brug, luznan di trafico y servicio electrico.
