Den e ultimo dianan oyentenan di radionan riba e banda di FM na Aruba por a nota algun cambio considerabel atravez di varios emisora radial. E dos cambionan cu mas a hala atencion ta e frecuencia di 91.5FM (Rumba FM) cu antes tabata un radio dedica na e colonia latino cu varios genero latino a cambia pa un radio cristian jama Radio Conecion Sobrenatural awor maneha pa Ezequiel Anthony.
Ta trata di un formato cu musica cristian pero moderno. E otro cambio grandi ta di 106.7 FM cual antes tabata radio Kelkboom y despues a bira I Love Aruba FM. Desde e siman aki e emisora a cambio su formato for di uno 100% Electronico pa un formato bastante varia cu Reggaeton, Hip Hop, Dancehall, Pop y otronan. Emisora awor ta identifica su mes como Heart Music Radio. Un otro cambio ta cu tin diferente locutornan cu lo tin programa cu locucion. Tambe e emisora su studio ta ubica den Heart Music Bar cual hendenan por wak e dj na momento cu e ta den aire. Por a compronde cu Latina FM 92.3 tambe lo conoce algun cambio. Sinembargo director di e radio no kier amplia den ki rumbo e radio lo bay enfoca su mes proximamente.
