Diasabra atardi laat pa diadomingo mainta trempan a tuma luga control nacional di trafico combina cu Listramento Preventivo na luganan strategico y señala como areanan di risico. Polis, Warda nos Costa y Cuerpo Especial Arubano a conduci e control aki. Por bisa cu e resultado ta papia pa su mes.
Polis a detene:
• 1 chauffeur pa stuur bou di influencia (test positivo)
• 4 sospechoso pa posecion di droga (tur 4 a keda pa mas investigacion, incluyendo un Marinier)
• 3 sospechoso pa buracheria
• 3 sospechoso pa posecion di arma
E ekipo conoci bou di e nomber “Afpakteam” a tuma placa cash cu a haya den posecion di sospechosonan di bendemento di droga. Tambe a kita placa for di ilegalnan cu no por a duna un bon splicacion di unda e placa ta bin.
Di acuerdo cu e relato emiti pa Cuerpo Policial Aruba, na tur ta papia di un suma di mas di 10 mil florin!
