Despues di evalua e risico cu Aruba ta core den e temporada di vakantie grandi aki, unda hopi local ta biahando pa exterior y tambe hopi turista ta biahando pa Aruba. Crisis Team ta bin cu cambio den maneho y esaki ta bin pa reduci e riesgo di importacion di variante Delta.
A tuma e decision di trece cambio den e Ministeriële Regeling nobo cu ta drenta na vigor entrante 17 di juli y e cambio ta encera cu tur persona sea residente of turista cu ta biaha pa Aruba for di un pais cu ta cay bou di e consideracion di ta un pais di riesgo halto, mester haci un PCR test sea 72 ora prome cu biaha of na su yegada na Aruba y keda den cuarentena inespera di resultado a pesar di ta vacuna cu dos vacuna.
E cambio di maneho aki ta di suma importancia mirando e aumento di e casonan di COVID-19 ocasiona pa e variante di DELTA den otro pais.
E paisnan considera di risico halto ta:
Seychelles
Cyprus
Fiji
Mongolia
Tunesia
Namibia
Reino Uni
Colombia
Cuba
Kuwait
Argentina
Spaña
Botswana
Sur Africa
Hulanda
Oman
Georgia
Costa Rica
Portugal
Malaysia
Panama
Surinam
Andorra
Brasil
Maldives
Kyrgystan
Iran
Irak
Luxembourg
Libia
Paraguay
Grecia
Uruguay
Rusia
Kazakhstan
Malta
Emiratonan Arabe Uni
Chile
Saint Kitts & Nevis
Monaco
Indonesia
Zimbabwe
Guatemala
Bahamas
Trinidad & Tobago
Irlanda
Dinamarca