Temporada di horcan ta den porta y mas cu claro Bureau Rampenbestrijding Aruba (BRA) a start cu tur preparacion necesario, manera ta coresponde cu nan draaiboek.
Internamente a cuminsa cu e preparacionnan for di prome di mei y pa dia 15 di mei minister presidente a manda pidi e diensten pa cuminsa prepara mirando cu prome di juni e temporada oficial ta cuminsa.
Rino Hermans, director di BRA, a splica cu manera ta conoci, nos ta saliendo for di un situacion mundial di pandemia, hunto cu e cambio climatico cu tin su efecto rib’e sistemanan den e region y esaki ta di shete aña consecutivo cu ta premira cu nos lo haya un sistema tropical cu nomber. Pa loke ta e preparacionnan mes, logisticamente ta calculando kico mester, nan ta bezig cu preparacion di e diensten un pa un y tambe Hermans a splica cu nan ta bezig cu e structura di crisis pa keda monitor y prepara pa cualkier eventualidad y recupera mas lihe cu normalmente.
Pa un relato mas amplio, lesa bo proximo edicion di TREMPAN.
