Un biaha mas graduadonan a logra capta atencion di Universidad di Aruba y e facultadnan pa conclusion di estudio di nivel halto. Un biaha mas, Universidad di Aruba a reconoce un grupo di graduado kendenan a sobresali danki na un investigacion exhaustivo y tesis cu ta sirbi como herment pa maneho.
Nivel di educacion ta ilustra den nivel di investigacion y tesis y esaki ta motibo tambe pa kico tur aña Universidad di Aruba ta organisa e ceremonia di ‘Student Award’ cu ta conta tambe cu sosten di diferente compania cu ta patrocina e reconocimento.
Student Thesis award
Reconocimento di Tesis. OGM: Mary-Jay Thijsen. Meta di e investigacion di Mary-Jay tabata pa duna un bista di e retonan den e prestacion organisatorio cu e empleadonan di e organisacion di proteccion di mucha, Directie Voogdijraad, a encontra prome cu y durante e crisis pandemico di Covid-19.
FEF:Viveka Bulchandani, e graduado di e programa FEF, a ricibi un distincion Cum Laude remarcabel pa aña 2023. Pa su experiencia den nabega e Mercado Financiero y duna informacion valioso tocante rekisito-, habilidad- y caracteristanan esencial pa e profesionalnan jong di Aruba por ta exisitoso.
FHTMS: Liraysa Ponson. Liraysa tabata e studiante perfecto. Dedica y disciplina pa completa trabou cualitativo durante ful su carera na ‘Facultad di Hospitalidad y Turismo Management Studies’ (FHTMS) Actualmente e ta haciendo su estudio di Master den Organisacion na Universidad di Tilburg na Hulanda.
Titulo di su Tesis: Factornan relaciona cu e escogencia pa muda bek Aruba unabes cu a gradua.
Social Work & Development: Stephanie Ferreira Torres. Titulo di e tesis aki ta: “Nos como mayor no sa” – Importancia di Educacion Sexual pa Mucha cu Descapacidad Intelectual: Percepcion di Cuidadonan.
SISSTEM- Armand Kelly. E aña aki ta rindi honor na Armand Kelly pa su investigacion sobresaliente, titula “Analisis comparativo di Emision di CO2 di Diesel y Busnan Electrico: Un Case-study di Aruba Airport Authorithy N.V”
Finalmente, masha pabien na tur studiantenan y danki na e comision organisatorio di Student Ambassador Awards.
Den TREMPAN por lesa un relato mas amplio y splicacion di cada graduado honra.
