Na juni proximo, Animal Welfare Alliance Aruba (AWAA) lo enfoca su esfuersonan riba e hogarnan rib’e casnan di Seroe Patrishi. Esaki ta un intento mas pa trata e sobrepoblacion di cacho y pushi riba e isla. AWAA lo ofrece servicionan di sterilisacion y castracion gratis, di e famianan di Seroe Patrishi cu no por permiti nan mes di cubri e gastonan di e procedura aki pa nan mascotanan. Cu e iniciativa aki AWAA ta busca pa reduci e cantidad interminabel di cacho y pushi chikito, ademas di mehora e condicionnan di e futuro animalnan na Aruba.
Cualkier persona cu ta biba na Seroe Patrishi y cu mester di yudansa pa sterilisa of castra nan cacho of pushi, mester tuma e siguiente pasonan pa aplica pa e servicio gratis aki.
Por manda un e mail na [email protected] cu e siguiente informacion:
•Bo nomber y fam
•Bo adres
•Bo number di telefon
•E cantidad di cacho y pushi cu bo tin na cas
•Si nan ta macho of tefi (si bo por sa)
Bo por pone bo nomber te 2 di juni 2024
Un boluntario di AWAA lo tuma contacto cu bo pa coordina un bishita y evalua con nan por yuda bo y bo mascotas.
E impacto di e iniciativa
E campaña aki no solamente ta encera pa reduci e cantidad di animal sin cas riba e isla, pero tambe ta encera pa tin un impacto di termino largo riba e calidad di bida di animalnan domestico y nan doñonan. Controlando e poblacion di mascota, e presion riba e shelternan lo baha y e salud general di e animalnan den e comunidad lo mehora.
A traves di e operacionnan gratis aki, nan ta busca pa fomenta un comunidad mas consciente y responsabel pa loke ta trata e cuido di mascota riba nos isla.
