Un persona ta grave despues di tiramento den Semeleerstraat marduga

75

Diabierna den oranan di marduga tabata tin un caso serio di tiramento. Problema entre grupo a termina na tiramento.

Esnan den e area mes no kier papia. Polis a haya informacion y a bay den Semeleerstraat situa den casnan di pueblo na Noord. Ora cu Polis a yega a haci un buskeda y ta haya hulls benta na e sitio. Esey ta confirma e melding cu nan a haya di tiramento.

Mientrastanto a tende cu tin un hende herida. Mientras cu Polis tabata investiga den casnan di pueblo, a manda otro unidad di Polis na Hospital. Eynan a bin tende cu un otro homber di edad hoben a yega cu herida di bala. E persona aki ta grave. El a haya dos tiro. Un tiro den cara y otro tiro den pia y e bala aki a core pega na tripa di e victima. Esey a haci e situacion mas complica. E victima a bay mesora den sala di operacion y a keda te 5or di marduga den operacion. E team investigativo a presenta y haci investigacion necesario na  e sitio.

No tabata tin detencion pero autoridad ta kere cu nan lo yega na esun cu a tira. E problema di grupo tin biaha nan mes no kier bisa nada pa copera na e detencion. Asina mes tin strategianan cu autoridad ta usa pa yega na esun cu a tira.