Post Aruba N.V. ta confrontando problemanan di likides pa cual e minister encarga, Chris Romero di Transporte, Comunicacion y Sector Primario, a manda un carta pa presidente di Parlamento, mr. Juan Ady Thijsen ayera solicitando cooperacion pa ricibi un inyeccion di capital for di e presupuesto ainda no aproba di Pais Aruba.
E carta ta indica cu desde 2005, ora cu Post Aruba N.V. a independisa, e compania tin mester di un inyeccion anual di capital pa e por keda draai. Esaki ta sosode cada aña for di presupuesto di Pais Aruba y, e aña aki tambe den e Ontwerpbegroting cu ta na Parlamento pendiente tratamento y aprobacion. E mandatario kier pa midi e pensamento di parlamentarionan y aproba un suma di 2.8 miyon florin cu mester drenta mesora pa por cubri salario y otro gastonan urgente ainda. Pa mas informacion, lesa e edicion di TREMPAN di awe.
