“No hay mal que por bien no venga”, ta un dicho conoci na Spaño. Na momento cu gobierno a laga kit’e fo’i trabou pa motibo di un diferencia di opinion relaciona cu contract di transporte pa pashentnan, nan nunca por a imagina cu un dia e persona aki lo bira haya un trabou ainda mas importante.
Den cierto forma, casi lo por bisa cu awor e ministernan lo mester atende cu ne riba presupuesto y inversionnan Hulandes na Aruba. Ruben Goedhoop tabata director di AZV pero desde e siman aki e ta un trahado di Gobierno di Hulanda. Desde e luna aki di mei, Ruben Goedhoop ta den servicio directo di Gobierno di Hulanda, como e “Liaison Hervormingen Aruba”. E ta resorta bou di Ministerie van Binnenlandse Zaken en Koninkrijksrelaties.
El a tuma e funcion aki despues cu gobierno a fors’e tuma un “golden handshake” pa e laga e funcion di director di AZV. Te ainda no a splica mucho kico su funcion lo ta, como e Liaison Hervormingen Aruba. Ta parce comosifuera cu e lo supervisa e reformanan cu Gobierno di Aruba y di Hulanda a acorda den e paketenan di medida.
Pa mas informacion lesa e edicion di TREMPAN di awe.
