Recientemente a tuma luga un carousel di diferente informacion educativo p’e alumnonan di brugklas na Ceque College M.A.V.O. E instancianan cu a haci presentacion tabata Wit Gele Kruis, Fundacion Anti Droga Aruba, Famia Planea Aruba y Cuerpo Policial Aruba.
Wit Gele Kruis a demostra y splica tocante desaroyo di curpa, embaraso hubenil y e malesanan venerico. Presentacion di F.A.D.A. tabata consisti di influencia y consecuencia di media social, manera Facebook, Twitter, Whatsapp, Instagram y Youtube. Tambe nan a mustra un video di algun mucha cu ta hunga video games y con agresivo nan por bira. Famia Planea Aruba a duna bon informacion n’e alumnonan tocante e parti higiena di nan curpa.
Cuerpo Policial Aruba a duna un presentacion tocante di: peer pressure, droga y alcohol, bullying, sex y joinmento di un gang. Nan a mustra e alumnonan un video conteniendo diferente tips, pa preveni problema.
Realidad ta cu un mucha of hoben cu bon informacion lo proteha su mes mas y lo por cumpli cu su metanan of su soñonan di bida sin problema.
