Tur Dande ta bay compaña cu miho deseonan specialmente pa mas salud, prosperidad, amor y abundancia den e aña habriendo. Pero e aña aki, e Rey maximo di Dande di Aruba a canta un dande special pa su amigo “Miyano” cu ta biba na Pavia Park pabou di Hooiberg. E ta drumi malo riba cama y a keda sorprendi ora su amigo Vicente Tromp a drenta su cu grupo, cantando e dande original pe!
Vicente Tromp a cuminsa canta Dande desde cu e tabatin apenas 12 aña di edad. E tin e record di 8 +1 biaha cu el a bay cu e titulo maximo di Rey di Dande di Aruba, un record cu ningun otro cantante di Dande a logra surpasa ainda. E temporada aki ta masha ocupa pa Vicente, pasobra aunke e no ta participando mas den festivalnan, toch e demanda pa haya Vicente Tromp na porta di cas of negoshi, ta hopi grandi.
Vicente ta spera cu e Dande special aki lo por yuda lanta e animo di su amigo “Miyano” y cu e por surpasa e retonan di su salud pronto pa e por ta hunto cu nos atrobe. Bon aña!
