Diamars marduga alrededor di 3:50am a bati alarma pa un trahado di Ecotech cu coriente a dal na altura di kazerne di Brandweer na Tanki Flip. Na e sitio a constata cu e parti ariba di e truck tabata mishiendo cu kabelnan di coriente, mientras cu e trahado a bay pega e bari di sushi na e truck. Na e momento ey coriente a dal e empleado benta abou.
E victima a bisa paramediconan di Ambulance cu e no ta sinti su brasa banda robes y cu su curason ta bati iregular. A transport’e pa Hospital pa ey e haya tratamento medico.
Tecniconan di NV Elmar a presenta na e sitio pa desconecta coriente pa e truck por a libra di e kabelnan ariba pa por sigui cu e trabounan di recogemento di sushi.
