Turistanan Mericano cu a bin Aruba a keda deteni pa Polis den oranan di marduga. Polis a wordo manda riba Sasaki Weg pa un accidente. Un auto di huur a ranca un palo di luz. Na yegada e auto a somenta cu hende y tur.
Na dado momento a drenta informacion unda e auto ta moviendo. E tabata den e area di Costa Linda. Polisnan a bay y a topa cu e auto tambe tur kibra dilanti. A bay atende cu e ocupantenan cu no a copera masha cu Polis. Nan tabata bou influencia di algo. Refuerzo a wordo pidi y a logra boei e turistanan aki cu kier a stroba e trabou di Polis. A pidinan na diferente occasion pa para keto y no resisti. Hasta nan mesun famia y conocir a pidinan pa esey. Finalmente nan a bay warda unda a pasa e anochi riba cama di beton. E auto a keda confisca. Nan kier a core drenta hotel pa bay sosega manera nada a sosode pero a haya nan mes awor ta duna cuenta na Polis.
