Algo pasa di 12.30 Polis di Strand Poltie y Ambulance a dirigi nan mes pura na Boca Catalina pa un dama turista cu a bira malo y cu no ta reacciona. Paramediconan di ambulance a cuminsa trata cu e dama turista di edad cu ta cu vacacion na Aruba.
E dama turista tabata riba catamaran di un compania y na dado momento a bira malo den awa. A trece na canto den rubber boat y na Boca Catalina e personal di ambulance a sak’e for di awa trece canto pa asina cuminsa traha cu e dama turista pa scapa su bida.
Nan a trata e dama te caminda tabata por pero despues di hopi rato e dama no a reacciona mas y a fayece na e sitio. E casa di e dama turista a conta polis cu e dama ta sufri di curason y cu e calor e lo mester a bira malo den awa. A pidi slachtofferhulp pa presenta y atende cu e famia. Forsa na famia cu a bin pasa un dushi vakantie na Aruba y un ta fayece.
