“Unda cu mi a move tin critica severo riba e intencion di duna pueblo automobilista cu no paga nan belasting di vehiculo di motor (motorrijtuigbelasting) pa fin di januari 2020 un BOET di 50%!! Cu rabia formal e critica ta riba gobierno”, asina lider di partido PPA, Benny Nisbet, a duna di conoce riba su pagina di Facebook. El a sigui bisa cu pueblo ta puntr’e “Con nos por paga ora Pasco y Aña nobo a laga nos bashi y pa colmo Carnaval tambe ta trece gasto, tabata expresion di un ciudadano ehemplar”.
Pueblo votado ta bisando Benny Nisbet cu “Ta nan mes a causa cu TUR cos ta caro cu nan medida etc. .ora mi a puntra ken bo kiermen cu nan….Contesta..Ken demonio ta den gobierno …ken demonio a tuma medida .. e actual Gobierno tog”. Un otro ciudadano a bisa Benny Nisbet cu “Ami no por paga na Januari a menos mi horta un caminda!”
E ex Minister y ex Parlamentario a enfatisa cu un multa di 50% ta simplemente abuso contra pueblo, e ta un abuso! “PPA ta desea di haci un apelacion sincero na Ministro Xiomara Ruiz-Maduro pa NO ehecuta e multa di 50%….duna espacio pa pueblo por paga prome cu fin di februari 2020 nan mitar di aña y prome cu fin di juni e di dos mita“.
E partido cu ta hibando oposicion pafo di Parlamento a subraya cu pueblo NO por mas, medida y gasto tin pueblo lomba contra muraya! MEPORED mustra cu berdad e pueblo/ciudadano ta central. E solo hecho cu mas cu 5 mil hende (Redaccion: DIMP a anuncia 8 mil siman pasa) a keda SIN paga nan number di auto na aña 2019 ta un indicacion serio con strangula e pueblo ta!
