Awe madruga a pidi asistencia di Polis na Tamarijn Beach Resort pa un caso di ladronicia. Un turista femenino sinta na bar di e hotel a acusa un otro turista masculino di lo a habri su tas y horta 200 dollar. Polis a topa cu e turista masculino, cu obviamente tabata basta burachi. El a bisa e defensornan di ley cu el a caba di yega Aruba, ta cansa di e vuelo y a dal dos drink di mas. E turista victima no kier a atende cu Polis pa cual a opta pa hiba e homber su camber numa. El a insisti di no sa di nada y cu e no a horta ni un cen.
Pero ta parce cu e turista tabata yora su detencion pasobra ora cu Security Guard a hib’e su camber pa e sosega e curpa, a bin resulta cu e mes tambe a perde su cartera y su sapatonan. E no por corda unda el a laga nan.
Na yegada na su camber, e homber a rek su man, kita e yabi di e shuttle y cana bay cune. E Security Guard a keda sinta den e vehiculo sin por move. A busca e turista, pero no por a hay’e debi cu el a sali for di su camber.
Polis a regresa pa e turista, cu awor si a cuminsa haci di mas. Despues di un buskeda a logra topa cune, pa cual a detene mesora y hib’e Warda di Polis pa e pasa su wayaba y pa evita cu e ta hinca su mes den mas problema innecesario.
