Minister Glenbert Croes ta consider’e un gran honor di por a haci su raportahe y apelacion na Raad van State unda tabata presente Thom de Graaf, Milly Schwengle di Aruba, Ron van der Veer y Rob Visser. Desde e prome dia e Crisisplan Social a haya sosten financiero for di Hulanda, como tal mester raporta e avancenan logra te cu awo.
Na Aruba, a compila e avancenan di e plan, como tambe a ricibi e estado di cuenta for di Departamento di Finanzas. For di Unicef tambe a ricibi su relato di trabou como tambe financiero.
A compila tur documento den un solo raportahe cu a keda entrega na tur 21 Parlamentario di Aruba, na Minister President di nos Pais y na tur instancia concerni na Hulanda demostrando cu e Crisisplan Social di Aruba ta traha a base di transparencia lagando semper e berdad ta e guia pa por logra e miho pa nos Pais.
