Turismo a crece menos di loke ATA a pronostica aña pasa

Di acuerdo cu cifranan presenta dor di Aruba Tourism Authority, nos isla a conoce un aumento di solamente 1.1% den turistanan cu a keda por lo menos 24 ora riba nos isla na aña 2018. Den cifra real, Aruba a crece di 1,070,548 turista na aña 2017 pa 1,082,003 aña pasa. Aruba Tourism Authority, den su pronostico oficial pa aña 2018, tabata papia di un crecemento di 3,7%. Esey entodo caso no a logra, probablemente dor di e impacto grandi debi na caida for di e mercado Venezolano.

ADV

Bishitantenan for di Merca a crece cu 6.7% for di 695,718 na aña 2017 pa 742,016 na aña 2018 cu e proporcion di e total di bishitantenan a aumenta for di 65.0% na 2017 pa 68.6% na 2018. E cantidad di turistanan for di Venezuela a cay cu 47.7% for di 96,653 na aña 2017 pa 50,582 na 2018 y su participacion a cay for di di 9.0% na 2017 pa 4.7% na 2018.

Comments

comments