Atacando un periodista den un Pais liber no lo tapa bo mal gobernacion. Mas bien esaki ta muestra di debilidad, intolerancia y antipatia.
Den un entrevista recien, nos por a nota Rudy Lampe cu un actitud antipatico y hostina, atacando e reportero Andrade pa motibo cu esaki lo a trece informacion padilanti cu no ta cumbini sr. Lampe.
Ta bon pa menciona cu den un Pais liber, un Estado di Derecho, tur hende tin derecho pa trece nan opinion padilanti.
Te hasta ta e deber di un periodista pa trece asuntonan padilanti cu por afecta e Estado di Derecho aki.
Pa 18 luna caba Dr. Rudy Lampe ta metiendo su nanishi dictatorial den asuntonan cu ta afecta e pueblo y kier impone loke ta draai den su cabes, sin ningun tipo di investigacion of consulta previo cu partnernan den Comunidad. Esaki NO ta muestra di un persona cu ta pretende di ta democratico.
Igual nos por bisa di sr. Ricardo Croes, kende kier impone su deseo y interes personal, riba un pueblo di mas cu 120.000 ciudadano. RED tin representacion di unicamente 4.000 votador y a bin ta impone ideanan idiota riba comunidad y nan kier pa hende keda keto tambe.
A para bira cu ningun hende mag papia contra sr. Rudy Lampe, tampoco contra sr. Ricardo Croes pasobra ta nan so ta papia e supuesto berdad. Nan ta te hasta tribi di yama e Pueblo cu no ta di acuerdo cu nan pa hende bobo y ta tilda e pueblo di no ta compronde e materia.
Nan so ta sabi, nan so a bay scol y ta nan so pueblo mester kere. No mag contradeci Rudy Lampe y tampoco Ricardo Croes.
Partido RED kier pa pueblo kere den un homber cu tur dia tin cu dal su cheiba pa e por traha. Pueblo tin cu bay tras di un homber loco cu TIN CU huma su pito pa e por funciona.
Pueblo tin cu spanta y tembla ora Ricardo Croes cuminsa grita den Parlamento pasobra
segun e, ta e ta e unico hende sabi riba Aruba. Tur otro ta bobo.
Aparentemente, e Lift cu nan a haya pa ta parti di e coalicion actual, a subi pa cabes y poder a pone nan perde tur nocion di normalidad.
Tur hende sa cu un politico mester ta un sirbidor di pueblo, un defensor di pueblo completo y NO di un grupo di usadornan di droga cu kier impone ideanan peligroso cu lo afecta e Sociedad.
Awe Pueblo tin cu soporta hende cu a droga nan bida largo, usa cocaina, heroina y tur sorto di porkeria, a lastra kris kros riba caya di Amsterdam te Maastricht y di Groningen te Rotterdam.
Hende cu a conoce tur sorto den rehabcenter di paden pafo, awe ta bin tilda hende drechi pa bobo.
Awe Pueblo tin cu soporta un homber cu tin 70 titulo y 80 diploma, pero nunca a aporta algo positivo na Comunidad. A busca confrontacion cu Iglesia Catolico te cu nan a royeer’e. A busca baina na Mexico, te cu nan a sak’e di e Pais. Y awe ta bin yama pueblo pa bobo.
Hendenan debil cu no ta capas pa atende cu opinion di pueblo, hendenan intolerante cu no ta capas pa wanta critica, hendenan antipatico cu ta yama pueblo pa bobo, NO TA DIGNO PA TA SIRBIDOR di NOS PUEBLO.
Esaki ta conta tanto pa Rudy Lampe como tambe pa Ricardo Croes.
Pueblo lo sa di RECHASA y ELIMINA e elementonan aki for di panorama politico tambe.
Nomber y adres conoci na redaccion
