Detencion a cay den area di highrise hotel na momento cu un persona a agredi un personal di siguridad severamente. A compronde cu e persona aki tin prohibicion na un localidad of na e area turistico caminda el a presenta y a surgi un discusion formal cu a caba na agresion y su detencion.
Aproximadamente 5:00 pm a surgi un caso serio di agresion contra un personal di siguridad den area di hotel. Na yegada por a constata cu e persona aki tabata na sanger di sla cu el a ricibi na cabes. A pidi presencia di ambulance cu a atend’e na sitio, pero segun por a compronde e mes, acompaña pa un colega di trabou, lo a dirigi su mes na eerste hulp pa un rapport medico y asina dirigi su mes pa warda di polis pa pone un denuncia.
Informacion na sitio a indica cu e persona aki, cu ta riba ‘blacklist’, lo a presenta y dirigi su mes na e area di beach y aki a presenta un confrontacion entre e personal di siguridad y dicho bishitante indesea. Confrontacion a escala y bira agrecion caminda cu e personal di siguridad a resulta herida.
Mientrastanto polis a presenta y deten’e e persona non grata aki.
