Diabierna 1 di maart 2019 lo bay tuma lugar e fiesta mas popular y cayente di aña, e Carnaval Masquerade Party, su di 22 edicion organiza pa Kiwanis Club of Palm Beach.
Y manera acustumbra, e fiesta lo bay ta yena cu sorpresa y ambiente. E fiesta aki lo bay tuma lugar na Renaissance Convention Center y lo cuminza 9:30PM y lo termina 2:30AM.
E carchinan ta completamente sold out y mas cu claro Kiwanis Club of Palm Beach ta contento cu e hecho aki dor cu tur e fondonan recauda cu e Carnaval Masquerade Party lo bay bek den nos comunidad.
E bandanan pa e Masquerade Party lo ta Buleria, ‘N Fuzion, Robert Jeandor y su Solo Banda Show y tambe un di cuater banda cu lo ta Musical Time. E great di e fiesta tambe ta e hecho cu lo tin entertainment pafo di e Renaissance Convention Center cu lo keda como sorpresa. No por keda sin menciona e popular “Ora Loca”, pa cual e Masquerade Party ta bon conoci pe tambe. Sin laga afor e super decoration cu lo bay transforma e convention center den un lugar unico.
E Masquerade Party ta un fiesta “Open Premium Bar”, pues nada di cash bar of tokens, y Premium Snacks. Tambe lo sirbi e famoso corn chowder soup. Ta e fiesta di aña cu bo no tin cu bin cu cartera. No lo falta tampoco e fabuloso doorprizes y tampoco premionan pa e diferente difraznan cu ta inclui categorianan manera elegante, luhoso, creativo y comico pa individual, pareha y grupo. Nos lo bay tin mas cu 70 premionan incluyendo weekend-stays, dinner vouchers y hopi mas. Nos ta spera bosonan!
Kiwanis Club of Palm Beach
Kiwanis Club of Palm Beach Aruba ta forma parti di Kiwanis International, un organisacion mundial di voluntario dedica na cambia mundo, cuminsando na un comunidad y un mucha. Nos ta un organisacion den crecimento, dedica na yuda muchanan di mundo henter hisando nan calidad di bida.
Pa mas information di Kiwanis Club of Palm Beach bishita nos webpage na www.kiwanispalmbeach.com of nos Facebook fan page na www.facebook.com/kiwanispalmbeach
